له نوو ئاهوو خێالم گیره ئمشه و / جه‌لیل ئاهه‌نگه‌رنژاد


ئاهوو ١

خودایا عاشق و ئاگر وه گیانم

کیوه‌ی به‌رز  ته مه یل   پایزانم

له ئه‌ور ئاسمان و ته‌مته‌مه‌لیول

خه‌م  ئاهوو   مه وارن   شان وه شانم

 

ئاهوو٢

له لاێ  زلماته‌گه‌ی ئێ  پیره داره      

م ده‌ێری یه‌ێ  چراخم چه‌ن شه‌واره

مه‌گه‌ر وه شه‌و چه‌وه‌یلد رووشنه‌و بووم

هه چیو ئاهوو غه‌ریبێ  له‌ێ  حساره

 

 

ئاهوو٣

په‌شیوێ  وه‌لنگه‌گان داره‌گانه

هناس ئه‌زره‌ت ئاوارا‌گانه

چه‌نێگه مه‌ی چه‌وه‌یل زامند که‌ێ 

دلم ئاهوو غه‌ریب شاره‌گانه

 

 

ئاهوو۴

چه‌نێگه چیو مه‌لیوچگ وه‌یل و چه‌یلم

م ده‌ێری داخه‌گه‌ێ  باوان له‌یلم

سه‌یادێ  تا وه سوو ها شوونم ئمشه‌و

هه چیو ئاهوو ولات بێکه‌سه‌یلم

 

 

ئاهوو ۵

هناێ  سروه‌ێ  خیالێ  تێ  شرو که‌ێ 

دلم چیو ئه‌وره‌گان مه‌ی ئه‌سر نوو که‌ێ 

خیال ئاهوو بێکه‌س تیه‌رێد و

وه ئزن ئه‌و چه‌وه‌یله له‌ێره کوو که‌ێ 

 

 

ئاهوو۶

ئه‌گه‌ر زیو هاتمه یا گه‌ر  گ دێره

وه ئزن ئه‌و چه‌وه‌یله هامه ئێره

وه راسی زانسی چیو بێکه‌س ئاهوو

چه‌وه‌رێ  چه‌و تنم له‌ێ  گه‌رمه‌سێره ؟!

 

 

ئاهوو ٧ 

له ناو ئێ  پایزه‌یل پیره ئمشه‌و

دلم چیو ئه‌وره‌گان دلگیره ئمشه‌و

وه‌تم چه‌و تر ئلالێ  راێ  زمانه‌ت

له نوو ئاهوو خێالم گیره ئمشه و

 

 

ئاهوو ٨   

توام ئاواره بووم و بیقه‌رارێ 

هه چیو ته‌نیا که‌پوو وه‌یل وه‌هارێ 

دلم نه‌زر چه‌وه‌یلێ  که‌م گ شایه‌د

په نای سه وزی ئرای   ئاهوو  بوارێ 

 

 

ئاهوو ٩

توام ئاگر وه کوول و پا به‌سێ  بووم

شه‌که‌ت راێ  عه‌تر چه‌و هانا ره‌سێ  بووم

دلێ  ئه‌وریشم سه‌وز وه‌هاره

قه‌بوولم که‌ێ  گ ئاهوو بێ  که‌سێ  بووم ؟!

 

 

ئاهوو ١٠

نه ‌خوه‌ر ده‌ێدن ، نه وارانه،‌ نه‌ئه‌وره

دلم بێ  ت ئه‌سیر ملک جه‌وره

م ئاهوو ، شه‌و به‌ساێه رێ  ته‌کانم

سه‌یادم ها له قه‌ێ  ئێ  تاش که‌وره

 

 

 

ئاهوو ١١

هه‌میوشه عه‌تر جاران ت وارێ 

شکووفه‌ی شه‌وق داران ت وارێ 

ئه‌گه‌ر ئاهوو خێالم چیوزه ده‌یدن

سه‌فاێ  سه‌ز وه‌هاران ت وارێ 

 

 

ئاهوو ١٢

دلم بێ  چه‌و  میه‌رێ  که‌و  چرچگێده‌و

نیه‌ئارمیه‌ێ ، له ناو  خه‌و چرچگێده‌و

هه چیو ئاهوو په‌شیوێ  بێ  ت ته‌نیاس

له سارووکی سیه‌ێ  شه‌و چرچگێده‌و

 


نظرات [۱۲]
سه شنبه، ۱۲ آبان ۱۳۹۴ :: ۱۷:۰۷
ده سد ده رد نه که ی ره نگین یون روژ جمه له هوشیار چله ره ی بیوم که فتمه یاد خالو چیلی که ر
یکشنبه، ۱۰ آبان ۱۳۹۴ :: ۱۱:۵۸
جه لیل گیان ده مد گه رم.فه ره ره نگینن مه جموعه ی شعره یل ئاهو.
دوشنبه، ۰۴ آبان ۱۳۹۴ :: ۱۹:۱۷
jS۷kRP http://www.FyLitCl۷Pf۷kjQdDUOLQOuaxTXbj۵iNG.com
پنجشنبه، ۲۹ اردیبهشت ۱۳۹۰ :: ۲۰:۳۴
bah bah,chi honrawey qashangi,jari tir birdamaw wilat u rojan dirin Kermashan.dasagand xoash kak Jalil.har Biminit
پنجشنبه، ۲۹ اردیبهشت ۱۳۹۰ :: ۱۶:۳۳
فره جالب بی. نموونه تام هه ر فره بوودن. که سانیگ که له و ناوچانه ی که کلهر زوانن کار فرهنگی که ن زوان و فه ر هه نگ کلهر مه دیونی که سانه یه.
شنبه، ۲۲ خرداد ۱۳۸۹ :: ۱۹:۱۷
دست مریزاد
جمعه، ۱۴ خرداد ۱۳۸۹ :: ۱۶:۳۵
سلامیگ وه به رزی شاهوو وه سه وزی دالاهوو پیشکه ش وه هه رچی شاعر کورده واره هیوادارم شاعره یل جیور ئیوه فره تر بون. ده مدان گه رم. من ده ستان و قه له مدان ماچ که م. هه میشه سه رکه وتوو بن.
یکشنبه، ۰۹ خرداد ۱۳۸۹ :: ۰۰:۳۹
سلام خوب باوفا .فارسی هم شعر بزن که ما هم بفهمیم. بهت سر می زنم. البته اگه این یه مطلب را هم گم نکنی !!
شنبه، ۰۱ خرداد ۱۳۸۹ :: ۱۲:۵۰
چةوةرِیُ بوَن چةنیُ خاس رازانریاس، جوَر یةیُ تابلو وینه ک چمانیُ نریاسة وةر ویلمان، کاک جةلیل هةموَشة چةوةریُ بوَد، ک چةوةریُ بوَن نیشان دةر داشتن ئاوةخت و هیواس.
جمعه، ۳۱ اردیبهشت ۱۳۸۹ :: ۱۵:۳۵
کاکه جلیل ئافه رین هه موِشه کیه نی ی شیعرت وه کول وجوشان بود و گه لا گه لا ئاهوه یلی عشق وئومید وئازادی له ی کینه نیه تیرئاو بون.وله سایه ساری به روِی هه موِشه سه ونزنت ته زی له شی دلی ئیمه یش دربچود.
چهارشنبه، ۲۹ اردیبهشت ۱۳۸۹ :: ۱۱:۰۸
ده سد خوه ش و ده مد گه رم ره نگین بوین
چهارشنبه، ۲۹ اردیبهشت ۱۳۸۹ :: ۰۰:۳۳
دست مریزاد و درود منتظر شما می مانم
اطلاعات شما ذخيره شود ؟