ئاخ چه‌نی زؤ له ت چیمه‌و په‌تی! / ئڕا په‌ری گوم بۊ خه‌وه‌یلم / رضا موزونی
ئاخ چه‌نی زؤ له ت چیمه‌و په‌تی! / ئڕا  په‌ری گوم بۊ خه‌وه‌یلم / رضا موزونی
کۊچه هێمان پر له ده‌نگ باڵده
په‌ل په‌له‌گه‌ێ دار دلم ماڵده
ده‌روه‌چ که‌س رؤ وه م دی وا نیه
روشنیه‌یل نانه دلم جا نیه!
سه‌وڵ ره‌نگین په‌ل وه‌چه‌گه‌ێ باێه‌‌مم
هۊر چه‌و کاڵ تنه هاوو ده‌دمم
...




کۊچه هێمان پر له ده‌نگ باڵده
په‌ل په‌له‌گه‌ێ دار دلم ماڵده
ده‌روه‌چ که‌س رؤ وه م دی وا نیه
روشنیه‌یل نانه دلم جا نیه!
سه‌وڵ ره‌نگین په‌ل وه‌چه‌گه‌ێ باێه‌‌مم
هۊر چه‌و کاڵ تنه هاوو ده‌دمم
به‌رزیه‌گه‌ێ ، کؤه‌ی ده‌نه‌وشکم مه‌چوو
ئاو خوه‌ش شوون ونه‌وشکم مه‌چوو 
گیان خوه‌د و گیان خوودا ئه‌ر بچی
وه‌ی دڵ شکیاێ و چه‌و ته‌ر بچی
چید بخه‌ن باخ ره‌نگین گوڵم
ئێقره کز، بوودنه کووره‌ێ دڵم
هونکی ساکی داران ت بۊد
نم‌نمه‌گه‌ێ رووشن واران ت بۊد
شعر له دار چه‌وه‌گه‌د من چنیم
ناز له باخ خه‌وه‌گه‌د من چنیم
خوه‌ر وه ئجازه‌ێ چه‌و ت رووژ هات
مانگ وه بوون دینت، شه‌و هه‌لات
سه‌وه‌ل ره‌نگین په‌لوه‌چه‌گه‌ێ باێه‌مم
هؤر چه‌و کاڵ تنه هاوده‌مم
تک تکه گه‌ی ئه‌سر منه ئه‌سر  م ِ
گش که‌سه‌گه‌م سه‌نگ ک نیم  ئاێه‌مم
رووشنم و لیخن و نیه‌ڵویژیه‌م
خاس و گه‌نم ها وه  یه‌کا،  ده‌رهه‌مم!
رووژێ ک له‌ێ ده‌فته‌ره منهاێ ت بووم
هه‌ر چێ فره بووم وه‌لی هه‌م که‌مم
***
ناز ته‌ماشاێ که‌ڵ و ئاهووی 
عه‌تر چه‌ویر سه‌ر داڵاهووی
دار وه‌نی ئه‌سپه‌نمی که‌ڵمه‌سی
خوه‌می، خوه‌دی، ئه‌ؤی ، کوره گش که‌سی
ته‌رچگی ِ تؤله وه‌نه‌یلی عه‌زیز
کوورپه که‌ڵ بان ده‌نه‌یلی عه‌زیز
نم‌نمه‌گه‌ێ ئه‌ور وه‌هاره‌یلمی
لێوه‌خه‌نه‌ێ باخ ئه‌ناره‌یلمی
مه‌خش فرشته‌یله له‌باره‌ێ تنه
هه‌ر‌چێ کؤه، داخ په‌ژاره‌ێ تنه
هه‌رچێ شه‌وه هامه ‌په‌ژاره‌ێ که‌سێ
داخ ِ دلم، داخ ِ دوواره‌ێ که‌سێ
وا بکه‌ی ئه‌ر ده‌فته‌ره‌گه‌ێ خه‌ت خه‌تم
بیس ده‌یه مه‌خش دڵ له‌ت له‌تم
خوه‌ش وه دڵی زه‌خم ت بوودن عه‌زیز
ناره‌حه‌ت ئه‌خم ت بوودن عه‌زیز
کؤچه کوچگ‌دار عه‌زیز منن
جامه‌ک نیشان ده‌ر شیوه‌ێ تنن
به‌رزیه‌گه‌ێ کؤه‌ێ ده‌نه‌وشکم مه‌چوو
ئاو خوه‌ش شوونِ وه نه‌وشکم مه‌چوو
سه‌ور بکه! بوودنه واران ، بچی!
بودنه به‌د‌به‌ختی جاران بچی!

عه‌قڵ بچوو خوودا بکه‌ێ ژان بکه‌ی 
عشق تنی رو له بیاوان بکه‌ی 
چید و له لیمیش نه‌گردی خه‌وه‌ر
ساتێ وه سالێگ له لیم چووده سه‌ر
ده‌ور وه‌رم پڕ له ده‌نگ باڵده
وه‌تمه دلم سوو نه د سوو ساڵده
ئاخ چه‌نێ زؤ له ت چێمه‌و په‌تی
ئاخرێ ئه‌و جووره هه بۊ خوه‌د وه‌تی
نظرات [۲]
سه شنبه، ۱۴ دی ۱۳۹۵ :: ۱۵:۵۵
درود جناب موزونی عزیز(فره فره رنگینی بی
شنبه، ۰۸ آبان ۱۳۹۵ :: ۲۳:۴۱
اقای موزونی سلام شعرگاند فره قشنگن. دسد خوش
اطلاعات شما ذخيره شود ؟