شاران گەریدنە کارم / چه‌شیعر له مەیسەم خوڕانی
شاران گەریدنە کارم /  چه‌شیعر له مەیسەم خوڕانی
مەیسەم خوڕانی له سال ۶۶ هەتاوی له شار ئەیوان هاتیه‌سه دونیا. کارناس فەناوری ئتڵاعاته. له سال ۱۳۸۷ هاتیه‌سه ناو دونیای ئه‌ده‌بیات. چه‌ن کتاو چاپ کردیه و له چه‌ن فستیواڵ خلات گرتیه
زەنگ ماڵ
زڕ زڕ زڕ زڕ زڕەی زەنگ
زەنگ کلاس هاتەو دەنگ
مناڵەیل وە قەپ و قاڵ
گورجەو بوون بچنە ماڵ
گەڵای دارەگان زەردە
پائیزەو هەوا سەردە
تا لە کڵاس دەیمەو دەر
دڵنگ گەرم کەیمەو وەر
وە دەفتەرێ پڕ لە بیس
چیم نیشیمنە سرویس

شیر
شیر تا بخوازی خاسە
چەرمگ لە ڕەنگ ماسە
هەم بوود بکەیدەی لیوان
هەم بوود بکەیدەی کاسە
هەرکەس فرە شیر بخوەی
سقانێ ڕیک و ڕاسە
هەرکە وەت شیر هن کیە
هەم هن پەس و هەم گاسە



نەنگ

نەنگم لەورە وساسە
سەروەن قەۊیگ بەساسە
سوخمە پووشاس رەنگینە
گووشێ کەمێ سەنگینە
مەسنەویە دگانێ
بەتیەیگ ها بان شانێ
دوعام کەیگ لە پشت سەر
لەلیم دۊرەو کەفێ شەڕ
وساسە زەنگ بخوەیدن
من ئڕا ماڵ بوەیدن


قەتار
شاران گەریدنە کارم
گشت چشتێ دەن لە بارم
دریژم و رەنگینم 
لەڕم ئەمان سەنگینم
ئۆتاق دێرم وە جفت جفت
لەشم ئاسنیە و سفت
هوو هوو چی چی دەنگمە
ڕا زۊ رەسین تەنگمە
هەر وەختێ فیکە کیشم
چم لە یەی ویستگا نیشم
رێیەگان گشتێ ناسم
من یەی قەتار خاسم
مەیسەم خوڕانی- راسان

اطلاعات شما ذخيره شود ؟