له ئاسمان گه‌ورا فرشته‌یل فره‌ێ هه‌س ... / شعری از میثم خورانی
له ئاسمان گه‌ورا
فرشته‌یل فره‌ێ هه‌س
لێویان ها خه‌نگه‌و
گوپ قرمزن و چه‌و مه‌س
یه‌ێ شه‌و یه‌کێگه‌ڵیان
هات سه‌رکیشا له خه‌وم...
شێعری ئرا مناڵان 


له ئاسمان گه‌ورا
فرشته‌یل فره‌ێ هه‌س
لێویان ها خه‌نگه‌و
گوپ قرمزن و چه‌و مه‌س
یه‌ێ شه‌و یه‌کێگه‌ڵیان
هات سه‌رکیشا له خه‌وم
پڕشه پڕش نۊرێ هات
رووژناوا بۊ شه‌وم
هات نیشته لام وه‌ بێ‌ده‌نگ
که‌مێگه‌لێ هۊرده‌و بۊم
ئێ شێوه‌ی پڕ له نۊره
چمانێ له جیێگ دۊم
پرسیار ناوێ بۊم
وتم شێوه‌ێ ت ناسم
ناود ئڕا م ئۊشید
ئۊشید؟ کورپه‌گه‌ێ خاسم
وت مِ مناڵێ له ئێ
هه‌مگه مناڵ دنیام
دۊرم له باوش داڵگ
خه‌ڵق وڵاتێ ته‌نیام
ئایه‌مه‌یل سیه دڵ
شه‌ڕ هاوردنه خڵاتم
ئرمس تکانن له چه‌و
رووژئاواو خوه‌رئه‌ڵاتم
بچوو بۊشه ئایه‌مه‌یل
خوداێ ک ها ئێ بانه
نه کیه‌رد تێژ ها‌ ده‌سێ
نه ماڵیشێ له سانه
خوداێ ک ها له‌ێ بانه
پڕ داوانێ نۊره
له دێوه‌یل سیه پووش
زه‌ۊ تا ئاسمان دۊره
سیه نیه خوداێ به‌رز
پڕچ پیه‌ک و ته‌میزه
قسیه‌م بوه‌ ڕا دنیا
بۊش یه قسیه‌ی «عه‌زیزه»)۱(


)۱(عەزیز" مناڵ بێکەس شه‌نگاڵی 

نظرات [۵]
یکشنبه، ۲۰ دی ۱۳۹۴ :: ۱۰:۴۵
عالی بود ، از اقای خورانی به خاطرتلاش ها و موفقیت های پی در پی در حوزه ادبیات کودک تشکر میکنم ، جامعه ما به شاعرهایی کار بلد همچون ایشان نیاز مند است
دوشنبه، ۲۳ شهریور ۱۳۹۴ :: ۱۹:۲۳
Har beji kaka Fera fera rangin boi Payar bayd era welatagaman
پنجشنبه، ۰۹ بهمن ۱۳۹۳ :: ۱۵:۳۰
زور جوانو
دوشنبه، ۰۵ آبان ۱۳۹۳ :: ۲۲:۵۰
شعر زیبایست احسنت
شنبه، ۲۶ مهر ۱۳۹۳ :: ۱۹:۰۵
دست خوش کاک میثم گیان.شعره کت فره قشنگ بی...
اطلاعات شما ذخيره شود ؟