اولین سرمقاله‌ کُردی هفته نامه صدای آزادی / باسێگ له سه‌ر وشکانن شه‌ورایل


seda471.jpg

✅🔴اولین سرمقاله‌ی کُردی  صدای آزادی 
🔸باسێگ له سه‌ر وشکانن شه‌ورایل
♦️چاو و راو

جه‌لیل ئاهه‌نگه‌رنژاد:  یه قانوون ته‌بیعه‌ته که هناێ له جیێگه‌و ئاڵووشێگ که‌فێده‌و ده‌یشت، ئاڵووشه‌یل فره‌ێ تره‌ک سه‌ر ڕاسه‌و که‌ن. له ئێ ساڵه‌یله وێنه‌یل فره‌ێگ له ئێ جووره دیمنه. 
🔸باس شارداری ته‌ێران و ئه‌و ده‌یشت که‌فتن «شیه‌رگی» شاردار، یه‌کێگ له باسیه‌یلێگه که نه‌باێه‌س وه‌ێ زۊ له هۊره‌و بچوود. هه‌ر ئێ باسه تۊه‌نێد له ناو شاره‌یل تره‌کیش لف پیا بکه‌ێد و هه وه‌ێ چۊنه له کرماشانیش مامووره‌یل قانون شوون و لوون شه‌ورا و که‌سانه‌یل تره‌ک هه‌ڵته‌کنن و خاس هۊرده‌و بوون بزانن له ئێره چوه که‌فێده‌و ده‌یشت.
🔸کیه ک نه‌زانێ فره له شه‌وراییه‌یل کرماشان یه چه‌ن ساڵه هانه «هات و چین» دادگا و په‌روه‌نده‌یل فره‌یگ له ئێ باوه‌ته‌و دێرن. حه‌تا یه‌ک دوانێیان تواسن له شه‌ورا بکه‌نه‌و ده‌یشت وه‌لێ نیه‌زانم چه بایس بۊ که دوباره هاتنه‌و.
🔸له جارانه‌و تا ئمڕو شه‌ورا و شارداری نه تەنیا له کرماشان، له شاره‌یل فره‌ی تره‌کیش جیێگ ئڕاێ «چاو و ڕاو» بۊه ک بۊشن:«فڵانی چه خوارد و چه برد و ...» وه ڕاس! ئڕای ئی قه‌یرانه‌یله چه بایه‌س بکه‌یم؟ گشت زانن که نه‌بایه‌س ده‌س بنه‌یمه‌و بان ده‌س و ڕووژیار بخه‌یمه‌و پشت سه‌ر. 
🔸یه‌ێ پێشنه‌هاد و ڕێبان ئڕاێ ئێ کاره یه‌سه که گوروهێگ له لای قانونه‌و ماموور بوون و سروه‌ت و دارایی ئێ ئاێه‌مه‌یله وه‌رجله هاتن وه شه‌ورا و ئێرنگه به‌رڕه‌سی بکه‌ن و بزانن ئه‌گه‌ر شکێگ هه‌س، قانوون خوه‌ێ حکم بکه‌ێد و نواێ خڵافه‌یل بگرێ.
🔸وه عونوان که‌سێگ که هامه شوون باسه‌یل ئچۊنه‌ێگ، یه‌ێ جار تره‌ک ئاشکرا و وه ده‌نگ به‌رزه‌و ئۊشم که وه‌ختێ ڕه‌سیه که «ته‌حقیق و ته‌فه‌حوس» له تمام ده‌وره‌یل شه‌ورای کرماشان شرو بوود. تاگه‌ر بووده ده‌رس خاسێگ ئڕای تمام کاروه‌ده‌سه‌یلێ که له ناو ئێ شار فه‌قیره په‌ل کارێگ گرتنه. 
🔸یه کام قانوونه که هه‌ر که چووده شه‌ورا بایه‌س تا ئه‌وره که تۊە‌نێد، له قه‌وم و کاره‌یلێ له ناو شارداری بنه‌ێده سه‌ کار و شارداری کرماشان بووده گه‌وره ترین بنگای کاریی که چه‌ن به‌رایبه‌ر شکل ئستاندارد خوه‌ێ نیروو داشتوود؟ له گشتێ به‌دتر نیروه‌یلێگن که هیچ له شارداری «موفید» نین!. مه‌گه‌ر خۊن یانه له خیون جوان مه‌ردم ره‌نگین تره‌که؟
🔸مه‌‌ردم کرماشان چەوه‌ڕێین که ئێ «وا» که له ته‌ێرانه‌و هاتیه، بتۊه‌نێ ڕیشێ هه‌ر خڵافێگ له شه‌ورایل کرماشانیش هه‌ڵکه‌نێ. ئایا وه‌ێ زۊ ئه‌و ڕووژه ڕه‌سێ؟ ئیمه‌یش چه‌وه‌ڕێ نیشیم

🔺وشکانن: بازرسی و تحقیق
🔹منتشر شده در شماره‌ی ۴۷۱ بیست و یکم شهریور ماه ۱۳۹۵ خورشیدی

https://telegram.me/joinchat/BRK_fTvV۸EGbXzmUE۴vgBQ
نظرات [۳]
پنجشنبه، ۲۵ شهریور ۱۳۹۵ :: ۰۸:۳۰
ارزو میکنم که موفق باشین . واقعن کرماشان به روزنامه نگاری کوردی نیاز داره . اما تا حالا کوتاهی کرده ایم . هفته نامه صدای آزادی کار بزرگی کرده. قطعن با تداوم این کار، نقش این نشریه در حفظ زبان مادریمان پر رنگ تر خواهد شد
پنجشنبه، ۲۵ شهریور ۱۳۹۵ :: ۰۸:۲۷
سلام چه کار خوبی کردین اما نگرانم که مخاطب نداشته باشین
چهارشنبه، ۲۴ شهریور ۱۳۹۵ :: ۰۸:۵۹
پیروزه دوکتور پیروزه
اطلاعات شما ذخيره شود ؟