حهزرهت گول ! عهتر کهو ئاسمان !
جهليل ئاههنگهرنژاد
ئرای تمام دالگهيل عهزيز کورد
يهی شهو ئهگهر بيده خهو ئاسمان،
بان لهش زهيو گول واران چهقی
جامهک ههفتا رهنگ داران چهقی
لهيره وههارهيل خودا چيوزه دهن
ههم وه گهل و ههم وه جيا چيوزه دهن
عهتر گول گولوهنی دالگهيل !
ئهزرهت واران له دل ئيمه مهيل !
لهو فره بهرزی ريهگهی ئاسمان
واز بکه دهروهچ چهو کالهگان
واز بکه دهروهچ ههر چی چهوه
واز بکه ههر چگه ئاسو کهوه
***
حهزره ت گول ئهتر کهو باخهگان !
يهی شهو ئهگهر بايده خهو باخهگان ،
ههر چگه داره له پهرا گول گرن
پهلپ دهنگ کهو کهو بولبول گرن
ههر چه وههاره رهنگ ساداتدن
ههرچگه پايز له پهرا ماتدن
دالگ وارانی ياسهيل سوو !
سهوزی ئحساس ههناسهيل سوو !
سهردی زمسان سيه باره سهر
خهت بيه مهخش شهو شل شل له وهر
***
حهزرهت گول ! عهتر کهو دهروهچهيل !
يهی شهو ئهگهر بايده خهو دهروهچهيل ،
بال مهليوچگ رهنگ کهو کهو گری
حال چهوهيله سيهگهی شهو گری !
....
مهوش سلیمانپور
لهی مال چوول بی دهنگه تهنیا مهنیده دالگه!
وه بهرزی هسارهگان گهورا مهنیدهدالگه !
ههنای چهوم كهفیدنه نمیور پرله حهسرهتد
ئیوشم له هر چی خوهزیهوه جیا مهنیده دالگه!
له ئی غریبی شهوه فره پهشیو دیونمهد
له شارهگهی پهژاره ههم ئرا مهنیده دالگه!؟
ئاگر وه گیانه گم مهنه! دی كةم لهتهنیایی بنال!
شایهد له حووز ئاسمان وه جا مهنیده دالگه!
خهم و خوسه له كوو تیوهنی پشت خیالد بشكنی؟!
وینهی پهراوو بیستیون وه پا مهنیده دالگه!
گولهم گولهم خوسهیلمان تیدن وه پابووس دلد
له ئی كهویر و سهختیه دهریا مهنیده دالگه!
سلام دوست ارجمندم جناب آقاي آهنگرنژاد عزيز خسته نباشيد و دست مريزاد !در گوش همه بچه ها كلمه " مادر " يك واژه و يك لغت سحر انگيز است .احساس و بيان شما در رساي مادر زيبا و دل انگيز است .بقول هانري سالوادور " مادر تو زيبا ترين موجود روي زمين هستي چون عشق و محبت در چشمان تو موج مي زند " !هميشه موفق و شاد باشيد .