شعر معروف «کرانشینی» / شامی کرماشانی


مه‌ردم باینه دیار ئی به‌دبه‌ختیه
له من به‌دبه‌خت تر و‌ه‌ی شاره نیه
به‌نده یه‌ی نه‌فه‌ر کرانشینم
چـــۊ ئه‌زیز مردی دایم غه‌مینم
نه خارج مه‌زهه‌ب نه جوداس دینم
ئه‌ر دوعاد گیراس بکه نفرینم
به‌شکه‌م له‌ی دونیا دیتر نه‌مینم
راحه‌ت بووم وه ده‌س کرانشینی


توای بزانی، سه‌گ و حاڵم نه‌و
ئاسایش نه‌یرم نه رووژ و نه شه‌و
سوب تا ئیواره هامه ته‌ق و ده‌و
تا سه‌رمانگ بای، دو تیکه ئه‌سپه‌و...
یا به‌م بفروشم با بنمه گره‌و
ئـــۊشم کراگه‌م به‌ڵکه‌م نه‌مینی
چه بکه‌م وه ده‌س کرانشینی؟ 
داد وه هه‌ر که‌س به‌م حه‌قم نیه‌سینی


ژنم جارو کیش خوه‌م قاپچی ده‌رم
وه فه‌سل(فصل) زمسان وه‌فر پاکه‌و که‌رم
له عه‌یش و عه‌زا چــۊی سه‌ماوه‌رم
ده‌نگ که‌م نانه‌جیب، ده‌نگ نیه‌که‌م خه‌رم
خوه‌یان چــۊی ئاقا به‌نده نه‌وکه‌رم
مه‌نعیان نه‌که‌ی ده‌نه بان سه‌رم
ئــۊشن گووشت گه‌ن ئه‌ڕامان سینی
چه بکه‌م وه‌ده‌س کرانشینی؟ 
داد وه هه‌ر که‌س به‌م حه‌قم نیه‌سینی


یه‌ی هه‌فته مینی مانگ بچوو وه‌سه‌ر
ژن ساحوماڵ(ساوماڵ) ده‌س نه‌یده که‌مه‌ر 
وه ‌ژست ته‌مام تێده پشت ده‌ر
له وه‌ر پای هه‌ڵسم چــۊی ئاقا و نه‌وکه‌ر
وه ژنم ئــۊشم ده‌مکه سه‌ماوه‌ر
خوه‌م ده‌وم ئه‌ڕای میوه و شیرینی
چه‌بکه م وه‌ده‌س کرانشینی؟ 
داد وه هه‌ر که‌س به‌م حه‌قم نیه‌سینی


یه‌ی کوری دیرن چــۊی وه‌چکه شه‌یتان
سۆ له ‌خه‌و هه‌ڵسی تێده ناو ئه‌یوان
جیبی پڕ له ریخ ، ده‌س وه تیرکه‌مان 
خه‌ید ئه‌ڕای قوریو جام و ئستکان
سیوڵ جافرخان گریده نشان
که‌س جورئه‌ت نه‌یری سدای بایده‌بان
بویشی جوانه‌مه‌رگ سه‌رم شکنی
چه بکه‌م وه‌ده‌س کرانشینی؟ 
داد وه هه‌ر که‌س به‌م حه‌قم نیه‌سینی
چه کار کنم از دست اجاره نشینی؟



دارائیم بیه‌سه، چوار دوێت و یه‌ی کور
دو په‌تووی نیم دڕ، یه‌ی جوفت لافه شڕ
یه‌ی جوفت موته‌کای وه ده‌م قه‌یچی پڕ
سه‌ر نه‌یده‌بانی چــۊی پاره ئاجور
سه‌رد گه‌ن که‌فی، تێیده خۆره‌خۆر
چوار جام رووحی یه‌ی دانه سینی
داد وه هه‌ر که‌س به‌م حه‌قم نیه‌سینی


زانی چه‌ن نه‌فه‌ر هایمه یه‌ی حه‌سار؟
من ئــۊشم په‌نجا تو بــۊش په‌نجاو چوار!
دریژ و کووتاه کاردار و بیکار
سوب هه‌ڵسی دۊنی له گووشه‌ی حه‌سار...
هڤده ئه‌فتاوه نریاسه قه‌تار
بایه‌د په‌ی نه‌وبه‌ت بلیت بسینی!
چه بکه‌م وه‌ده‌س کرانشینی؟ 
داد وه هه‌ر که‌س به‌م حه‌قم نیه‌سینی
نظرات [۲]
چهارشنبه، ۰۷ مهر ۱۳۹۵ :: ۰۰:۰۷
واقعا خیلی جالبه من بااین شعر بزرگ شدم درود بر شامی وتمام کرمانشاهیها
سه شنبه، ۰۸ دی ۱۳۹۴ :: ۲۱:۳۹
سپاس بو ام شاعری گوره و برئز ی کرمانشان واقعا ام شه عره به زبانی شیرینی کلهری زور به دلم بو سپاس
اطلاعات شما ذخيره شود ؟