مۆهره‌‌ێ ملوانک شێعر ئیلام . ئڕاێ حشمه‌ت مه‌نسووری جه‌مشیدی . جه‌لیل ئاهه‌نگه‌رنژاد
مۆهره‌‌ێ ملوانک شێعر ئیلام . ئڕاێ حشمه‌ت مه‌نسووری جه‌مشیدی . جه‌لیل ئاهه‌نگه‌رنژاد
وه‌ ڕاس! قه‌ێران زاهری و له‌ کیس چێێن «حشمه‌ت مه‌نسووری جه‌مشیدی» شایر مه‌سنه‌ویه‌یل ڕه‌نگین کوردی ئڕاێ من ک له‌پساێ نۊسم، ته‌کانێگ بۊ. ئیرنگه‌ شاهات «سه‌رسڵامه‌تی» ئڕاێ که‌س و کارێ، کار وه‌ جیێگ بوود وڵام خاستر یه‌سه‌ ک وه‌ێ زۊ وه‌ ئێ بوونه‌و «هه‌مایشێگ» یا هه‌ر جه‌رخه‌ێک تره‌ک بکه‌فێده‌ ڕێ و قه‌ڵه‌م وه‌ده‌سه‌یل وه‌ ئێ بوونه‌و بنیشنه‌و و سه‌ر ده‌س و بنۊسن ئڕای ناسانن ئاکادمیک کاره‌یل شایر!. ئه‌ڵبه‌ت ئه‌گه‌ر کۆروونایل! بیلن.

وه‌ ڕاس «مه‌رگ» چوه‌س!؟  ئڕاێ ئه‌وانه‌ گ له‌ ناو وڵات هۆنه‌ر هناس کیشن، مه‌رگ، وشه‌‌ێ بێ وه‌لیفه‌تێگه‌ گ تیه‌ڵیه‌ری خوه‌ێ له‌ ده‌س داێه‌!. چۊن حه‌تا له‌ کیس چێێن مشتێگ سقان و پووس ئڕاێ ئێ جه‌رخه‌ ماناێگ نه‌ێرێ. شاهات فره‌ له‌ ئاێمه‌ێل، که‌س و کارێان وه‌ قه‌وارات و خۊن و پووسێان ئڕاێ دامه‌زرانن کاره‌یل، حه‌وه‌جه‌ داشتوون. وڵام که‌س،  کار وه‌‌ کار له‌ش و لار ئه‌هڵ هۆنه‌ر نه‌ێرێد. خه‌ڵک چه‌وه‌ڕێ خه‌ڵق دۆنیاێ تازه‌ێ یه‌ێ شاێره‌ که‌ له‌ ئه‌ڵچنین ڕه‌نگین وشه‌یل زار و نازارێ سازێد و نه‌ێده‌ نواێ پای ڕێاره‌یل که‌م و فره‌ێ وڵات.

وه‌ڕاس  وه‌ زوان پیه‌ن و دڵخواز بۊشم: مه‌رگ ئڕاێ ئه‌هڵ هۆنه‌ر ژیان دجاره‌س. له‌ێ ڕووژێاره‌ ک هۊچ چشتێگ له‌ سه‌ر جی خوه‌ێ نیه‌! مه‌رگ وێنه‌ێ تازه‌تره‌کێگ له‌ ژیانه‌! ئه‌ڵبه‌ت ئه‌گه‌ر وه‌ێ چۊنه‌ بنوڕیمن ک له‌ وڵات کورده‌واریمان له‌ ناو نیشتمان کرماشان و ئیلام، پرسه‌ێ مه‌رگ، ژیان پرسێاره‌یل گه‌ورا له‌ سه‌ر دۆنیاێ شاێرێگه‌ ک وه‌ قه‌وڵێ: کووچ دۊاێێن کردێه‌!. ئه‌و وه‌خته‌سه‌ ک فره‌ له‌ که‌سه‌یل خوه‌شێان تێ وه‌ گه‌رد دۆنیای هۆنه‌ری و ئه‌ده‌بی شاێرا ناسیاێه‌و بوون و تازه‌ یه‌ ئه‌وه‌ل ڕێ دۊر و دریژێگه‌ ئڕای دڵ به‌سان وه‌ نیشتمان شێعری شاێری ک دی وه‌ زاه‌ر له‌ لامان نیه‌. 
هر نیشتمانێگ وه‌ چشتێگه‌و ناسیاێه‌و بوود. بڕێگ وه‌ نه‌فت، بڕێگ وه‌ کنێسی! بڕێگ وه‌ که‌ریمی، بڕێگ به‌ر داره‌یلێان، ئه‌ما ئیلام تا ئه‌وره‌ گ ئاسمان وه‌ من ئجازه‌ێ نووڕسن ده‌ی، وه‌ دۆنیاێ ڕه‌نگین شاێره‌یلێه‌ ئڕای فره‌ له‌ خڵک ناسیاێه‌. له‌ شێعریش، سه‌رگۆڵ زه‌وق ئیلامییه‌ل، «کوردیه‌». گشت زانن ئێ نیشتمانه‌ کان مه‌سنه‌ویه‌یل دڵڕفن کوردیه‌. که‌م نیین شایره‌ێل ناودار کوردێگ که‌ له‌ ناو ئێ خاکه‌ تا به‌رزییه‌یل قه‌د کیشانه‌ و گۆڵ باخێان عه‌تر و بوو خوه‌ێ ده‌ێ و خه‌ش که‌ێ هه‌ر ڕیارێ ک له‌ێ باخه‌ گۆڵێ چنی!

له‌ێنوو بنۊسم وه‌ ڕاس! قه‌ێران زاهری و له‌ کیس چێێن «حشمه‌ت مه‌نسووری جه‌مشیدی» شایر مه‌سنه‌ویه‌یل ڕه‌نگین کوردی ئڕاێ من ک له‌پساێ نۊسم، ته‌کانێگ بۊ. ئیرنگه‌ شاهات «سه‌رسڵامه‌تی» ئڕاێ که‌س و کارێ، کار وه‌ جیێگ بوود وڵام خاستر یه‌سه‌ ک وه‌ێ زۊ وه‌ ئێ بوونه‌و «هه‌مایشێگ» یا هه‌ر جه‌رخه‌ێک تره‌ک بکه‌فێده‌ ڕێ و قه‌ڵه‌م وه‌ده‌سه‌یل وه‌ ئێ بوونه‌و بنیشنه‌و و سه‌ر ده‌س و بنۊسن ئڕای ناسانن ئاکادمیک کاره‌یل شایر!. ئه‌ڵبه‌ت ئه‌گه‌ر کۆروونایل! بیلن.

  وه‌ داخه‌و بۊشم ک تا ئێرنگه‌ وه‌ێ چۊنه‌  ک ئمڕو بۊم،له‌ بان شێعره‌گانێ هۊرده‌و نه‌ۊم و ئچۊنه‌ له‌ بان زرافه‌ته‌یل شاعرانه‌ێ نیشته‌جا نه‌ۊم ک حه‌ز بکه‌م و ده‌سمیه‌ت بگرم. وڵام ئێرنگه‌ ئێ ناوه‌ له‌ هۊرمه‌و نیه‌چوود. له‌ هۊر فره‌ که‌س تره‌که‌و نیه‌چوود. ئێرنگه‌ منیش منه‌ی مۆهره‌‌ێ  ملوانک که‌م! و  دڵم ئۊشێ له‌ باخ پڕ به‌ر شێعرێ، زه‌نگیانه‌ێگ وه‌ دزیه‌و هڵگر ئڕاێ دووس داشتنه‌یل بانان...

🔸کرماشان / ۳ فه‌روه‌ردین۹۹

اطلاعات شما ذخيره شود ؟