ئاو، سەرچەو ژیان / ئەشکان میری
ئاو، سەرچەو ژیان / ئەشکان میری
ئمساڵ، شوعار جەهانی؛ ئاو و گۆڕانەوی ئقلیمه. گەرم بۊن هەوا، باێس شێواندن جەرخەێ وارین و ئاویاری گیائیل، فرەتر کردن هشکساڵی و گێچەڵ دار کردن دەسڕەسی و ئاو بوود. وەرپرس سازمان ملەل ئیمساڵ وەتێە تا ساڵ ۲۰۵۰ لە ماوێن سێ ملیارد و ۵۰۰ ملیون نەفر تا چووار ملیارد و ۴۰۰ ملیون نەفەر گێچەڵ وە دەس هاوردن ئاو دێرن.
صدای آزادی: ئێمڕوو ڕووژ جەهانی ئاو بۊ. هر ئەو چشتە ک لە ناو ماێەێ ژیان ئڕامان ناسرێاس و زانیم ک ژیان، بێ ئاو وە ڕێ نیەچوود. خاسە بزانم کوڕەێ زەۊ ک وە بوونەێ دەریا و ئوقیانووسەیل فرەێگ ک دێرێ وە ناو کۆڕەێ ئاوی چڕنێ، وەڵام ئێ کۆڕەێ ئاویه ئڕا تێراو کردن گیاندارەیلێ وە تاێبەت مرۆڤ(بشر) ک ژیان ئقتسادی و حەیاتی گەرد ئاو پەێوەندیگ قورس دێرێد، تەماکار ترین ڕۊ خوەێ نیشان داس! ئڕا خاستر حالی بۊن ئی گەپە، باێس بزانم ک نزیک وە ۹۷ له سەد ئاوەیل دونیا ئاو شووره، ک نیەتۊنێد هۊچ هەوەجەێگ له گیاندارەیل جواو بەێد. ۳ له سەد ئاوێگ ک مێنید ئاو شیرینە ک گیاندارەیل تۊنن هەوەجەێ خوەێان وە پێ بیەن. لانکەم ۲ له سەد و ڕاێ بازێگ له زاناێل فرەتر لەی حەدیشه، لەو ۳ لە سەدە، ئاوێگە ک وە بوونەیل تاێبەت و جێواز جوور یەخچاڵەیل قوتبی و کۊسانەیل بەرز، لە دەسڕەس ئاێەمەیل و باقی گیاندارەیل نیه. مینێده کەمتر له ۱ له سەد ک باێس تەمام گیاندارەیل دونیا له لێ ژیان بکەن. گەرد ئی ڕەقەمیله زانیم ک گەپ ئاو، چەنێگ حەساسەو تۊنێد گرێنگ بوود. 
ئمساڵ، شوعار جەهانی؛ ئاو و گۆڕانەوی ئقلیمه. گەرم بۊن هەوا، باێس شێواندن جەرخەێ وارین و ئاویاری گیائیل، فرەتر کردن هشکساڵی و گێچەڵ دار کردن دەسڕەسی و ئاو بوود. وەرپرس سازمان ملەل ئیمساڵ وەتێە تا ساڵ ۲۰۵۰ لە ماوێن سێ ملیارد و ۵۰۰ ملیون نەفر تا چووار ملیارد و ۴۰۰ ملیون نەفەر گێچەڵ وە دەس هاوردن ئاو دێرن. ئیە هۊچ ماناێگ نەێرێ بێجگە ئەوێکە نەسڵ بەشەر گەرد گێچەڵێگ گەورە و بێ ڕام ڕۊ وە ڕۊ بوون ک ئەگەر هەرچێگ زۊتر دەوڵەتەیل و مەردم دونیا فکرێگ ئڕاێ نەکەن، ژیان فرەێگ لە کیس چوود. 
وڵات خوەمان وە بوونەێ جێ جوغرافیایی تاێبەتێک ک دێرێد، لە بەش هشک و گەرم دونیا ناسرێاس ک گێچەڵ کەم ئاوی و بێ ئاوی، ئڕاێ ئیمە ماناێ گەورەتر و جدی ترێگ دێری ک باێس زۊتر و خاس تر له هەر وڵاتێگ تر له دونیا، هووشمان وە سەرچەویل (منابع) ئاویمان بوود. وە داخەوە، جفتیاری زەربەت قورسێگ وە وەرپرسی ئاو له وڵاتمان داس. ئیمە نزیک وە ۹۷ لە سەد ئاو له دەسڕەس وڵاتمان لەی بەشە وە کیس دەیمن ک یەکێگ لە هۆکارەیلێ، شێوەێ نادرس و کۊنەێ ئاویاریه. جیا لەی گەپە، ڕەوشت ناوەجێ وە کار بردن ئاو له ناو ماڵ، تۊنێد دەس قورسێگ بەێده سەرچەوەیل حەیاتی و ئاوی. 
قسە کۆڵەو کەیم، ئاو بەشێگ نیه ک بتۊنیم وە پۊل بسێنێم، نە تەنیا نیەود بسێنیم بەڵکەم نیەتۊنیم پۊلێگ بێ ئاو دەر باریم! دیارە ک سەرچەو ژیان ئقتسادی و بانان نەسڵمان، پارێزان ژینگە وە تاێبەت سەرچەوەیل ئاویه .
اطلاعات شما ذخيره شود ؟