خاک خاپوور/ جەلیل ئاهەنگەرنژاد
خاک خاپوور/ جەلیل ئاهەنگەرنژاد
ئه‌گه‌ر کاروه‌ده‌سه‌یل ده‌سمیه‌ت بێه‌ن، تیوه‌نیمن جه‌رخه‌یل خاسێگ ئڕاێ وریاێ ئاسار میژوویی و باستانی مان بنه‌یمن. ئێ خاکه وه مدوو کاروەدەسه‌یل کارنه‌ناس ساڵه‌یل فره‌ێگه خاپوور بیوه. ئڕایه که فرە لە مۆدیرەیل وە راس لە شوون خوەێان نەنیشتنە. ئێ گیچەڵە تەنیا لە میراس فەرهەنگی نیە؛ چیو دەرد پێچیاسە لەش کرماشانەو.
ئڕاێ وریاێ ئاسار میژوویی و باستانی مان لە مەردم دەسمیەت بگریم
فرە لە مەردم کرماشان تەکان بردەێان. خەوەر، سیونەیل گیانمان هەڵکەنی. وه‌تن «ئه‌ژم گرنجین» یا نه‌قش برجستەێ قەیمەێ کیوەێ بەموو تەنیا دۆ رووژ لە پێا کردنێ نەچیود کە وە دەس کەسنەناسەیل، لە کیسمان چێێە. رووژەیل ئەوەڵ گشتمان گیانەسیوەرەو بیومن و ناو تەمام پەڕەیل و ئەپەیل ئینتەرنت نیوسایمن کە: کی بگرن و کی بووڕن!
ئێرنگە ئاوەیل لە ئاسیاو کەفتێە و وێنەێ تەمام خەوەرەیل گەن کە ئاگرە کووڵمان کەێد و زیو سەردەو بیومن، چمان هیوچ مۆشکڵێگ لە ئەوەڵا نەیوە. لیخنی ئاوەیل خەوەرەیل کە تەمام بیو، وە هیوردە هیوردە  هیوردەو بیومن و زانسیمن کە چوە بیوە!.
شاهات ئمڕوو وە رووشنی نەتیوەنیم گۆناێ ئاشکراێ ئێ دیوزەمە بکەیمنە مل کاروەدەس ئەوەڵ میراس فەرهەنگی. وڵام گۆناێ هەر دیوزەمەێگ ها لە ملێ. 
کرماشان نیشتمان بن و بنچینەدارێگە. لە بەش بەش گیانێ لە هەر چاڵی و بەرزیێ، لە هەر کیوە و کەشێ، شوون پاێ سڵسڵە و سۆڵتانێگە. وە زوان ترەک یەکێگ لە قوتبەیل تاریخی ئێران وە هساو تیەێ. هەوەجەمان یەسە کە ئڕاێ ئێ نیشتمانە وە چەو وە گیان وریاێ بیومن. شاهات خاستر یە بوود بیوشیمن کە خەڵک خوەێان هیورێان وە ئێ خاکەو بوود.
ئه‌گه‌ر کاروه‌ده‌سه‌یل ده‌سمیه‌ت بێه‌ن، تیوه‌نیمن جه‌رخه‌یل خاسێگ ئڕاێ وریاێ ئاسار میژوویی و باستانی مان بنه‌یمن. ئێ خاکه وه مدوو کاروەدەسه‌یل کارنه‌ناس ساڵه‌یل فره‌ێگه خاپوور بیوه. ئڕایه که فرە لە مۆدیرەیل وە راس لە شوون خوەێان نەنیشتنە. ئێ گیچەڵە تەنیا لە میراس فەرهەنگی نیە؛ چیو دەرد پێچیاسە لەش کرماشانەو.
جەلیل ئاهەنگەرنژاد
اطلاعات شما ذخيره شود ؟